Oʻzbekiston Respublikasi Milliy gvardiyasi boʻlinmalariga kontrakt boʻyicha harbiy xizmatga nomzodlarni tanlash va qabul qilish tartibi toʻgʻrisidagi nizom Adliya vazirligida davlat roʻyxatidan oʻtkazildi, deb xabar berdi “Huquqiy axborot” kanali.
Nizomga muvofiq, Milliy gvardiya boʻlinmalariga kontrakt boʻyicha harbiy xizmatga qabul qilish tanlov asosida amalga oshiriladi va tanlovda Qurolli Kuchlar safida muddatli harbiy xizmatni oʻtagan (oʻtayotgan) va safarbarlik chaqiruvi rezervida harbiy xizmatni oʻtagan shaxslar, oliy taʼlim muassasalarida harbiy tayyorgarlikdan oʻtgan shaxslar, muqaddam oddiy askarlar, serjantlar va ofitserlar tarkibidagi lavozimlarda kontrakt boʻyicha harbiy xizmatni oʻtagan shaxslar qatnashishi mumkin.
Tanlov yakka tartibda suhbat, harbiy-professional tanlash, tibbiy koʻrikdan iborat uch bosqichda amalga oshiriladi.
Nizomga muvofiq, nomzod boʻyining balandligi quyidagi maxsus antropometrik parametrlarga javob berishi talab etiladi:
- Faxriy qorovul boʻlinmalariga — 185 santimetrdan past boʻlmasligi;
- Otliq askarlar eskadroniga — 175 santimetrdan past boʻlmasligi;
- boshqa barcha boʻlinmalarga — 180 santimetrdan past boʻlmasligi lozim.
Shuningdek harbiy-professional tanlash tadbirlari umumjismoniy tayyorgarlik darajasini aniqlash, individual-psixologik oʻrganish bosqichlarida amalga oshiriladi.
Umumjismoniy tayyorgarlik darajasini aniqlash boʻyicha sinovda qoniqarsiz deb baholangan nomzod, umumjismoniy tayyorgarlik darajasini aniqlash mashqlarini u baholangan kundan boshlab 1 yil davomida 3 marotaba qayta topshirishi mumkin, biroq sinov boʻlib oʻtgan kunning oʻzida qayta topshirishga yoʻl qoʻyilmaydi.
Individual-psixologik oʻrganish test shaklida amalga oshiriladi.
Test sinovlarini 2 oydan keyin qayta topshirishga ruxsat beriladi. Bunda 1 yil davomida qayta topshirishlar soni 2 marotabadan oshmasligi lozim. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi