Kuchli yomgʻir natijasida Buxoro koʻchalarini suv bosdi (foto, video)

  • 09 aprel 2019, 16:15
  • 1 326
  • Jamiyat
  • Kuchli yomgʻir natijasida Buxoro koʻchalarini suv bosdi (foto, video)
    Ijtimoiy tarmoqlarda Buxoro shahrida yogʻgan kuchli yomgʻir natijasida koʻplab koʻchalarda suv toʻplanib qolgani aks etgan suratlar tarqaldi.

    Hududda 8 aprel kuni boshlangan yomgʻir bugun, 9 aprel kuni ham davom etmoqda.

    Suratlarda koʻrinib turibdiki, ayrim yoʻllar, aholi yashovchi uylar oldi butunlay suvga toʻlib, avtomobillar harakati toʻxtab qolgan.
    Bunday holat Buxoroda oʻtgan yili ham kuzatilgan, ayrim tarixiy obidalar suvga boʻkkani toʻgʻrisida maʼlumotlar tarqalgandi.

    Foto: Bukhara Info

    Foto: Bukhara Info
    Oʻzbekistonda aprel oyida koʻp yomgʻir yogʻmoqda va buning oqibatida shu vaqtga qadar Qashqadaryo, Surxondaryo, Navoiy, Samarqand va Jizzax viloyatlari hududlarida suv toshqinlari va sellar kuzatilmoqda.

    » » Kuchli yomgʻir natijasida Buxoro koʻchalarini suv bosdi (foto, video)