Toshkentda o‘zini yuqori qavatdan tashlamoqchi bo‘lgan shaxs qutqarildi (video)

  • 13 may 2019, 13:18
  • 1 168
  • Jamiyat
  • Toshkentda o‘zini yuqori qavatdan tashlamoqchi bo‘lgan shaxs qutqarildi (video)
    Bugun soat taxminan 10.30 da 102 raqamiga erkak kishi qo‘ng‘iroq qilib, to‘qqiz qavatli uyning beshinchi qavatidan sakrab o‘zining joniga qasd qilmoqchiligini ma’lum qilgan, deb xabar berdi Toshkent shahar IIBB matbuot xizmati.

    Aytilishicha, voqea joyi bo‘lmish Chilonzor tumanining 20-kvartaliga ichki ishlar, Favqulodda vaziyat boshqarmasi, Toshkent shahar klinik psixiatriya shifoxonasi «tez yordam» brigadasi, yong‘in xavfsizligi xodimlari va tuman hokimi hamda prokurori yetib borishgan.

    «Ellik yoshli erkak balkon to‘sig‘idan oshib o‘tib, qarori jiddiy ekanligi haqida qichqirar edi. Bu fikrdan qaytishga ko‘ndirish uchun bir soatdan ortiq ketganligiga qaramasdan, erkak hech kimga quloq solmadi. Toshkent shahar IIBB boshlig‘ining ko‘rsatmasiga binoan erkak kishining yoniga yo‘naltirilgan IIBB alohida vazifalarni bajaruvchi safarbar otryadi xodimlari o‘z malakalarini qo‘llagan holda erkak kishini qutqarib qolishdi. Hozirgi vaqtda psixiatr A.T. bilan ish olib bormoqda», deyiladi xabarda.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Toshkentda o‘zini yuqori qavatdan tashlamoqchi bo‘lgan shaxs qutqarildi (video)