Avval xabar berganimizdek, kecha, 7 iyun kuni Gollivud yulduzi Jeki Chan Ostona shahriga uchib keldi.
Ostonada mashhur aktyor ishtirokida brifing o‘tkazildi. Aktyor qizil gilam to‘shalgan yo‘lakka kirib kelishi bilan uni muxlislar olomoni qurshab oldi. Aktyorning qo‘riqchilari odamlar uni bosib yubormasligi uchun atrofida aylana shaklida turib olishdi. Bir necha dastxat bergan Jeki Channi muxlislar xitoy kinosi festivali o‘tkaziladigan “Kazmedia” binosiga kuzatib qo‘yishdi.
Eshiklar yopilgach, bino oldida juda katta olomon to‘plandi. Ularning hammasi bir marotaba bo‘lsa-da, Jeki Channi o‘z ko‘zi bilan ko‘rishni xohlar edi.
Aktyor jurnalistlar bilan uchrashuvda muvaffaqiyatga erishgani sirlari, doimo o‘z ishi bilan shug‘ullanishi, boshqa narsalarga, ayniqsa, sariq matbuotga umuman e’tibor qaratmasligi haqida gapirdi. Mashhurlikka esa bosqichma-bosqich muxlislar armiyasi hamrohligida erishganini ta’kidladi. Shuningdek, aktyor o‘zining doimiy orzusini oshkor qildi.
“Rostini aytsam, doim menda Qozog‘istonga kelib, kinomatografiya bilan shug‘ullanish istagi bo‘lgan. Biroq judayam bandligim tufayli bu orzumni haligacha amalga oshira olmadim. Lekin kelajakda Qozog‘istonda ushbu sohada ishlashni rejalashtiryapman. Ayni vaqtda o‘zimning filmlarim bilan shunday chiroyli manzarani buzishdan qo‘rqyapman. Judayam ko‘p tryuklar bor...”, deb kuladi Jeki Chan.
Xitoy kinosi kunlari doirasida aktyor “Kung-fu Yoga” filmini taqdim etadi.
Manba: Qalampir.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Sariqmi yoki yashil: qaysi turdagi banan foydaliroq?
AQSHning G‘azodagi siyosatidan norozi Davlat departamenti rasmiysi iste’foga chiqdi
Zoir Mirzayev “Telefonsiz maktab”ga 300 mln so‘m mukofot berdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi