O‘zbekistonda qaysi kasalliklardan eng ko‘p o‘lim holati qayd etilmoqda?

  • 13-10-2018, 23:18
  • 1 262
  • O‘zbekiston
  • O‘zbekistonda qaysi kasalliklardan eng ko‘p o‘lim holati qayd etilmoqda?
    2018 yilning yanvar-sentyabr oylarida O‘zbekistonda 112,6 mingta o‘lim qayd etilgan. Bu haqda Davlat statistika qo‘mitasiga tayanib "Kun" nashri xabar bermoqda.

    Mos ravishda 1000 aholiga nisbatan o‘lim koeffitsiyenti 4,6 promilleni tashkil etdi, 2017 yilning mos davriga nisbatan 0,2 promillega kamaydi (2017 yilning yanvar-sentyabr oylarida 4,8 promille bo‘lgan).

    2018 yilning yanvar-sentyabr oylarida qayd etilgan vafot etganlarning 60,7%i - qon aylanish tizimi kasalliklaridan, 9,5%i - o‘simtalardan, 6,3%i - baxtsiz hodisa, zaharlanish va jarohatlanishlardan, 5,5%i - ovqat hazm qilish a’zolari kasalliklaridan, 4,1%i - nafas olish a’zolari kasalliklaridan, 1,5%i - yuqumli va parazitar kasalliklardan hamda 12,4%i - boshqa kasalliklardan vafot etgan.

    Ro‘yxatga olingan 1 yoshgacha vafot etgan bolalar soni 5,6 ming nafarni tashkil etib, ularning 60,8%i - perinatal davrda yuzaga keladigan holatlardan, 16,6%i - nafas olish a’zolari kasalliklaridan, 11,7%i - tug‘ma anomaliyalardan, 2,2%i - baxtsiz hodisa, zaharlanish va jarohatlanishlardan, 2,2%i - yuqumli va parazitar kasalliklardan, 0,8%i - ovqat hazm qilish a’zolari kasalliklaridan va 5,7%i - boshqa kasalliklardan vafot etgan.

    » » O‘zbekistonda qaysi kasalliklardan eng ko‘p o‘lim holati qayd etilmoqda?