Bugun yana Dubayga qaytdik. 13 yanvar kuni bu yerda Turkmanistonga qarshi o‘ynaymiz. Ummonni-ku yutib oldik, uch ochko cho‘ntakda, ishlashda davom etamiz. Bo‘shashishga haqqimiz yo‘q!
Dubaydagi “Rashid” stadioni yonidagi maydonda mashg‘ulot bo‘lib o‘tdi. Kecha asosiy tarkibda maydonga tushgan futbolchilar yengil mashqlarni olib borishdi. Qolganlar bilan esa Kuperni o‘zi ishladi. Bu safar ham mashg‘ulot ancha qiziqarli kechdi.
Futbolchilarning kayfiyati a’lo darajada. Katta musobaqalardagi dastlabki o‘yinda g‘alaba qozonish juda ham muhim, deb bekorga aytishmas ekan. Ikkinchi o‘yinga tayyorgarlik ko‘tarinki ruhda davom etyapti.
Mashg‘ulotga terma jamoa a’zolari avtobusda borsa, biz – delegatsiya vakillari OFK tomonidan ajratilgan ikkita minivenda boramiz. Bugun bizni olib yurgan pokistonlik haydovchi terma jamoamiz finalga qadar yetib borsa, menga O‘zbekiston terma jamoasining 1 ta libosini sovg‘a qilasizlarmi, deb so‘rab qoldi. “1 ta libos ham gapmi, agar finalga chiqadigan bo‘lsak, butun oila a’zolaring bilan finalni O‘zbekiston milliy terma jamoasining libosida tomosha qilasizlar” deb aytdik.
Ha, aytgancha, ertalab, hali Sharjada ekanimizda nonushta payti qiziq voqea ro‘y berdi. Meni O‘zbekiston delegatsiyasi libosida yurganimni ko‘rgan 7-8 yoshlardagi bolakay oldimga kelib, rus tilida gap boshladi. U Ummon bilan uchrashuvni stadionda tomosha qilganini, o‘yin davomida O‘zbekiston terma jamoasi a’zolarini qo‘llab-quvvatlab turganini aytib o‘tdi. Dadasi ham shu yerda ekan, bir oz suhbatlashdik. Ular asli toshkentlik bo‘lib, Dubayda ish bilan yurishgan ekan. O‘zbekiston terma jamoasiga kelgusi o‘yinlarda omad tilashdi. Biz esa ularga tashakkur bildirib qoldik. Vatandan uzoqda yurganda vatandoshlaringni uchratish hamisha yoqimli.
Bugungi mashg‘ulotni yoritish uchun o‘zbekistonlik jurnalistlar ham tashrif buyurishdi. Ular mashg‘ulotlar tugaganidan keyin Eldor Shomurodovdan maydon chetida intervyu olmoqchi ekanliklarini aytib o‘tishdi. Odatda, mashg‘ulot tugaganidan keyin futbolchilar muzli vanna qabul qilish uchun darrov mehmonxonaga yo‘l olishadi. Recovering, ya’ni tiklanish jarayonini o‘tkazish uchun. Shu sababli bu vaqtda intervyu olish ularga halaqit berishi mumkin. Ammo bugun Kuper o‘zbekistonlik jurnalistlarga mashg‘ulotdan keyin Shomurodovdan intervyu olishga ruxsat berdi. “U Ummonga qarshi o‘yinda bizga g‘alaba keltirgan golni urdi. Eldorga endi hamma narsa mumkin”, - deya hazillashdi Kuper.
Ertaga mashg‘ulotlar davom etadi. Bizni Turkmanistonga qarshi o‘yin kutmoqda. Maqsad – faqat g‘alaba!
Yoqubjon Bobojonov, O‘FA Matbuot xizmati boshlig‘i
Dubay, BAA
Dubay, BAA
Manba: www.ufa.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
