Qudratillo Abduqahhorov navbatdagi jangida ham gʻalaba qozondi (video)

  • 31 mart 2019, 11:37
  • 484
  • Sport
  • Qudratillo Abduqahhorov navbatdagi jangida ham gʻalaba qozondi (video)
    Toshkent vaqti bilan 31 mart tongida professional boksning yarim oʻrta (-66,68 kg) vazn toifasi vakili oʻzbekistonlik Qudratillo Abduqahhorov (15 ta gʻalaba, 9 ta nokaut) IBF kamariga birinchi raqamli daʼvogar boʻlish uchun yaponiyalik Keita Obaraga (20 ta gʻalaba, 1 ta durang, 3 ta magʻlubiyat, 18 ta nokaut) qarshi ringga koʻtarildi.

    Filadelfiya shahridagi 2300 arenasida boʻlib oʻtgan 12 raundlik jangda Qudratillo hakamlarning birdek ovozi (118-110, 117-111, 115-113) evaziga gʻalaba qozondi. Natijada oʻzbekistonlik bokschi IBF reytingida birinchi oʻringa koʻtariladigan boʻldi. Endi u chempion bilan jang qiluvchi majburiy daʼvogarga aylandi.

    Mazkur vazn toifasida amerikalik Errol Spens (25-0, 21 KO) chempion sanaladi.

    » » Qudratillo Abduqahhorov navbatdagi jangida ham gʻalaba qozondi (video)