4 243
Amerikada 30 yildan beri "Saudiya shahzodasi" niqobi ostida yashagan firibgarga cho‘chqa go‘shti pand berdi
Ha, haqiqatan 47 yoshli Entoni Jinyak 1991 yildan beri Saudiya Arabistoni shahzodasi niqobi ostida yashab, ko‘z ko‘rib quloq eshitmagan firibgarlik jinoyatlariga qo‘l urgan. Badavlat shaxslar bilan o‘zi uchun foydali shartnomalar tuzib, ularni chuv tushiravergan. To‘g‘ri, uni bir necha bor qo‘lga olishgan. Ammo har gal Amerika qonunlaridan unumli foydalangan holda garov puli evaziga ozodlikka chiqib ketavergan.
«Buzoqning yugurgani somonxonagacha» deb bekorga aytishmagan-da! «Shahzoda» Jinyak oxirgi jinoyatni sodir etish jarayonida qo‘lga tushib qoldi. U amerikalik milliarder Jeffri Saffer bilan 400 million dollarlik foydali shartnomaga imzo chekishi lozim edi. Agar ishi bu safar ham o‘ngidan kelsa, milliarderning 400 million dollar puli cho‘ntagiga tushardi. Firibgar bu ishni ham har bir detaligacha puxta o‘ylab olgandi. Shartnoma imzolash uchun u yarqiragan «Ferrari« da keldi. Diplomatik davlat raqamini esa internet do‘kondan xarid qilgandi. Saffer uchrashuv joyiga o‘tgan yil avgustida ham kelgandi. O‘shanda Jinyak unga Dubay banklarining biridan 600 million dollar pul yechib olingani haqidagi qalbaki hujjatni ko‘z-ko‘z qilgandi.
Keyinroq ikkovlari Aspen shahrida uchrashishdi. Mana shu yerda Jinyak qovun tushirdi. Firibgarga oddiy cho‘chqa go‘shti pand berib qo‘ydi. Qanday qilib deysizmi? Amerikaliklar ham ahmoq emas-ku, axir! Musulmonlar, ayniqsa, arab davlatlari shahzodalari cho‘chqa go‘shti yeyish tugul unga qayrilib ham qaramasligini juda yaxshi bilishadi. «Shahzoda» Jinyak esa o‘tirgandanoq, did bilan pishirilgan cho‘chqa go‘shtiga o‘zini urdi. Shu harakati milliarder Safferda darrov shubha uyg‘otdi. Lekin sezdirmadi. O‘ziga tegishli xavfsizlik xizmati vakillariga Jinyak haqidagi ma’lumotlarni yaxshilab tekshirishni buyurdi. Ko‘ribsizki, tez orada firibgarning siri ochildi. Uni 2017 yil noyabrida Amerika aeroportlaridan birida qo‘lga olishdi. Mayamidagi kvartirasi tintuv qilinganda, ko‘plab qalbaki bank hujjatlari, avtomobillarning diplomatik davlat raqamlari, Saudiya Arabistoni shahzodalaridan birining nomiga rasmiylashtirilgan qalbaki hujjatlar topildi. 2018 yil may oyida firibgar Jinyak barcha ayblarini bo‘yniga oldi. Hal qiluvchi sud jarayoni shu yil avgustida bo‘lib o‘tadi.
47 yoshli Entoni Jinyak Kolumbiyada tug‘ilgan. Bolaligida ota-onasi olamdan o‘tgach, amerikalik er-xotin uni asrab olgan. 2008 yili firibgarlik jinoyati bilan qamalgan. U bir nechta kompaniyalarning 10 ming dollardan ziyod pulini o‘zlashtirib olganlikda ayblandi. Biroq garov puli evaziga ozodlikka chiqdi.
Manba: Hordiq.uz
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi