Deloitte мутахассислари 2024/2025 йилги мавсумда футбол клубларининг даромадларини таҳлил қилди. Ҳисоботга кўра, даромадлар рейтингида биринчи ўринни Мадриднинг «Реал» клуби эгаллади. Бу ҳақда euro-football.ru хабар беради.
Энг эътиборлиси, ўтган мавсумда фақат «Реал» 1 миллиард евролик маррадан ошишга муваффақ бўлди. «Қироллик клуби»нинг умумий даромади 1,161 миллиард еврони ташкил этди.
Иккинчи поғонада Ла Лиганинг яна бир гиганти «Барселона» қайд этилди — каталонияликлар 974,8 миллион евро ишлаб топган. Кучли учликни 860,6 миллион евро кўрсаткич билан «Бавария» якунлаб берди.
Топ-10 рўйхатидан «ПСЖ» (837 млн евро), «Ливерпул» (836,1 млн), «Манчестер Сити» (829,3 млн), «Арсенал» (821,7 млн), «Манчестер Юнайтед» (793,1 млн), «Тоттенхэм» (672,6 млн) ва «Челси» (584,1 млн) ҳам ўрин олди.
“Zamin”ни Telegram'да ўқинг!
