Deloitte mutaxassislari 2024/2025 yilgi mavsumda futbol klublarining daromadlarini tahlil qildi. Hisobotga ko'ra, daromadlar reytingida birinchi o'rinni Madridning «Real» klubi egalladi. Bu haqda euro-football.ru xabar beradi.
Eng e'tiborlisi, o'tgan mavsumda faqat «Real» 1 milliard yevrolik marradan oshishga muvaffaq bo'ldi. «Qirollik klubi»ning umumiy daromadi 1,161 milliard yevroni tashkil etdi.
Ikkinchi pog'onada La Liganing yana bir giganti «Barselona» qayd etildi — kataloniyaliklar 974,8 million yevro ishlab topgan. Kuchli uchlikni 860,6 million yevro ko'rsatkich bilan «Bavariya» yakunlab berdi.
Top-10 ro'yxatidan «PSJ» (837 mln yevro), «Liverpul» (836,1 mln), «Manchester Siti» (829,3 mln), «Arsenal» (821,7 mln), «Manchester Yunayted» (793,1 mln), «Tottenhem» (672,6 mln) va «Chelsi» (584,1 mln) ham o'rin oldi.
“Zamin”ni Telegramʻda oʻqing!
