"Марсель" бош мураббийи Роберто де Дзерби ўтган мавсумда бирга ишлаган Адриен Рабьони илиқ хотиралар билан эслади. Ҳозир француз ярим ҳимоячиси "Милан" сафига кўчиб ўтган ва у ерда ҳам нафис ўйини билан мухлисларни хурсанд қилишда давом этмоқда. Бу ҳақда euro-football.ru хабар беради.
Де Дзербининг таъкидлашича, Рабьо майдонда кўп қиррали футболчи: ҳимояда ҳам, ҳужумда ҳам бирдек фойдали, зарба билан ёриб киришни ҳам билади. Мураббий улар хайрлашган пайт кутилганидек кечмаганини эслатиб ўтса-да, Рабьо жамоага Европа Чемпионлар лигаси йўлланмасини қўлга киритишда катта ҳисса қўшганини, кўп учрашувларда айнан унинг ўйини ҳал қилувчи омил бўлганини қайд этди.
Яқинда Рабьо "Милан" сафидаги илк дублини расмийлаштириб, "Комо" дарвозасига икки бор тўп киритди.
“Zamin”ни Telegram'да ўқинг!
