Филлар ҳужуми: америкалик миллионер-овчини топтаб ўлдирди
Габонда америкалик миллионер ва тажрибали овчи Эрни Дозио филлар тўдасининг ҳужуми оқибатида ҳалок бўлди. Антилопа овлаш жараёнида қуролланган овчиларга дуч келган ҳайвонлар ўз боласини ҳимоя қилиш мақсадида кескин ҳужумга ўтган. Фожеа натижасида Дозио воқеа жойида вафот этган, унинг ҳамроҳи эса турли даражадаги жароҳатлар олган. Мутахассислар филлар, айниқса боласи билан бўлган вақтда, ўта ҳимоячан ва хавфли бўлишидан огоҳлантирмоқда.
Африкада содир бўлган навбатдаги фожеали ҳолат жамоатчилик эътиборини тортди. Габон ҳудудида филлар тўдаси америкалик бой овчини топтаб ўлдиргани маълум қилинди. Бу ҳақда Daily Mail Collect Africa сайёҳлик компанияси маълумотларига таяниб хабар тарқатди.
Хабарга кўра, ҳалок бўлган шахс — Эрни Дозио бўлиб, у Калифорнияда токзорга эга бўлган ва узоқ йиллар давомида Африка ҳамда Америкада экзотик ҳайвонларни овлаш билан шуғулланган.
Маълум бўлишича, у ҳамроҳи билан ўрмонда антилопа овлаётган пайтда бешта катта фил ва бир фил боласига дуч келган. Овчиларнинг қўлида қурол борлигини сезган ҳайвонлар кескин реакция билдириб, ҳужумга ўтган.
Кучли ҳужум оқибатида Эрни Дозио воқеа жойида ҳалок бўлган, унинг ҳамроҳи эса турли жароҳатлар олган. Бу ҳақда марҳумни таниган кейптаунлик собиқ овчи маълум қилган.
Мутахассислар таъкидлашича, филлар, айниқса боласи билан бўлган пайтда, ўта ҳимоячан ва хавфли бўлиши мумкин. Шу боис бундай ҳолатларда уларнинг ҳужумга ўтиши эҳтимоли жуда юқори ҳисобланади.
Изоҳлар 0
…