Угаров Кюрасао ва Кабо-Верде ҳақида киноя қилди

«Зенит»нинг собиқ футболчиси Денис Угаров Кюрасао ва Кабо-Верде терма жамоаларининг 2026 йилги Жаҳон чемпионати финал босқичига чиққанлиги юзасидан ҳазил аралаш фикр билдирди. У бу ҳақдаги мулоҳазаларини «Евро-Футбол.Ru» нашрига берган интервьюсида айтди. Бу ҳақда euro-football.ru хабар беради.

Угаровнинг сўзларига кўра, бу жамоалар финал босқичига чиқишдан олдин Россия терма жамоасига қарши ўйин ўтказиши керак эди. Эксперт «шунда уларнинг асл кучини синаб кўриш, нималарга қодирлигини билиш мумкин бўларди», дея таъкидлади ва бундай текширувни айнан Россия термаси амалга ошира олишини киноя билан қўшимча қилди.

Маълумот учун, Дик Адвокат бошқарувидаги Кюрасао Е гуруҳидан ўрин олган бўлиб, Германия, Эквадор ва Кот-д’Ивуар билан баҳс олиб боради. Кабо-Верде эса H гуруҳида Испания, Уругвай ва Саудия Арабистони билан тўқнаш келади.

2026 йилги Жаҳон чемпионати АҚШ, Мексика ва Канадада бўлиб ўтади.

Bahodir

«ZAMIN.UZ» муҳаррири