Ўзбекистон миллий терма жамоаси ҳимоячиси Абдуқодир Ҳусанов яна бир муҳим эътироф остонасида турибди. У «Манчестер Сити» таркибида апрель ойининг энг яхши футболчиси соврини учун номзодлар қаторига киритилди.
Клуб томонидан эълон қилинган рўйхатда Ҳусанов билан бир қаторда тажрибали ярим ҳимоячи Бернарду Силва ва иқтидорли ёш футболчи Нико О’Райли ҳам ўрин олган. Бу эса рақобат жиддий эканини кўрсатади.
Абдуқодир Ҳусанов сўнгги вақтларда “шаҳарликлар” сафида барқарор ўйини, ишончли ҳимояси ва юқори тезлиги билан ажралиб турибди. Унинг майдондаги ҳаракатлари нафақат мураббийлар, балки мухлислар эътиборини ҳам торта олди.
Айниқса, ҳимоя чизиғидаги ишончли ўйини ва муҳим эпизодларда жамоага ёрдам берган ҳаракатлари уни бу совринга муносиб номзодга айлантирмоқда. Бу номзодлик ўзбек футболи учун ҳам катта ютуқ ҳисобланади.
Қисқача айтганда, Ҳусанов “йўқолиб” қолган эмас — аксинча, Европада ўз номини қаттиқ қилиб ёзиб қўйяпти. Энди савол битта: совринни оладими ё йўқ?
“Zamin”ни Telegram'да ўқинг!
