«PSJ» бош мураббийи Луис Энрике Чемпионлар лигаси ярим финали доирасидаги «Бавария»га қарши ўйин олдидан рақиб жамоа ҳақида ўз фикрларини билдирди. Испаниялик мутахассис Мюнхен клубининг ўйин услубини юқори баҳолаб, уларнинг учрашувларини томоша қилиш унга завқ бағишлашини таъкидлади. Бу ҳақда Goal.com хабар беради.
Энрике «Бавария» устози Винсент Компанини юқори савиядаги мураббий деб атади. Унинг сўзларига кўра, немис жамоаси доимо ҳужумда ўйнайди ва жуда кўп гол уради.
Мураббий рақиб таркибидаги Киммих, Кане, Муссиала, Олис ва Ножер каби футболчиларнинг маҳоратини алоҳида эътироф этди.
«PSJ» устози бўлажак баҳс барча учун қизиқарли ўтишини башорат қилмоқда. Парижликлар айни дамда яхши спорт формасида эканини ва ғалаба қозониш учун ҳар қандай сценарийга тайёр туришлари кераклигини маълум қилди.
Жамоа таркибида барча асосий футболчилар соғлом ва майдонга тушишга тайёр.
Грузиялик ҳужумчи Хвича Кварашелиа ҳам ўз фикрлари билан ўртоқлашди. У «Бавария» дарвозабони Мануел Ножерни афсонавий посбон деб атади.
Шунга қарамай, Кварашелиа «PSJ» ҳар қандай рақибни мағлуб этишга қодир эканини ва ўз кучига ишонишини қўшимча қилди.
Статистикага кўра, «Бавария» Чемпионлар лигасидаги охирги бешта ўзаро учрашувнинг барчасида ғалаба қозонган. Мюнхенликлар ушбу баҳсларда жами еттита гол уриб, ўз дарвозаларидан фақат битта тўп олиб чиқишган.
“Zamin”ни Telegram'да ўқинг!
