"Реал Мадрид" Скалони билан алоқага чиқди
"Реал Мадрид" Аргентина терма жамоаси бош мураббийи Лионель Скалони билан алоқага чиқди. Мадрид клуби 47 ёшли мутахассисни Алваро Арбелоа ўрнига асосий номзод сифатида кўрмоқда. Скалонининг нуфузи Копа Америка ва Жаҳон чемпионатидаги ғалабалари билан ошган, аммо у Аргентина футбол ассоциацияси билан шартномаси туфайли ўз келажаги ҳақида аниқ қарор қабул қилмаган. Агар музокаралар муваффақиятли бўлса, Арбелоанинг жамоадан кетиши мумкин.
"Реал Мадрид" раҳбарияти Аргентина терма жамоаси бош мураббийи Лионель Скалони билан алоқага чиқди. Мадридликлар 47 ёшли мутахассисни Алваро Арбелоа ўрнига асосий номзод сифатида кўрмоқда. Бу ҳақда Goal.com хабар беради.
Ҳозирда клуб Испания чемпионатида "Барселона"дан 11 очко ортда қолмоқда.
Скалони Аргентина билан Копа Америка ва Жаҳон чемпионатида ғолиб чиққанидан сўнг унинг нуфузи кескин ошди. Мадрид клуби раҳбари Флорентино Переснинг рўйхатидан Сеск Фабрегас, Юрген Клопп ва Диде Дешам каби номлар ҳам жой олган.
Бироқ Скалонининг юлдуз футболчилар, хусусан Лионель Месси билан ишлаш қобилияти клуб эътиборини тортган.
Ҳозирда Скалонининг Аргентина футбол ассоциацияси билан шартномаси 2026 йилги Жаҳон чемпионати якунига қадар амал қилади. Мураббий ўз келажаги ҳақидаги саволларга жавоб берар экан, бор эътиборини терма жамоадаги вазифасига қаратганини таъкидлади.
У президент билан муносабатлари яхши эканини ва узоқ келажак ҳақида ўйламаслигини маълум қилди.
Алваро Арбелоанинг жамоадаги ҳолати борган сари мураккаблашиб бормоқда. Собиқ ҳимоячи бошқарувидаги жамоа чемпионлик пойгасидан деярли чиқиб кетди.
Агар Скалони билан музокаралар муваффақиятли якунланса, Арбелоанинг мавсум охирида истеъфога чиқиши муқаррар бўлиб қолади.
Изоҳлар 0
…