«Ювентус» ва Франция терма жамоасининг собиқ ҳужумчиси Давид Трезеге яна Аргентинага келди. У аввалроқ «Ривер Плейт» сафида ҳам тўп суриб, клуб билан бирга мамлакатнинг иккинчи дивизионида чемпионликни қўлга киритганди. Бу ҳақда euro-football.ru хабар беради.
Энди Трезеге Буэнос-Айрес клуби тузилмасига бошқа мақомда қайтмоқда — у раҳбарият таркибига кириши кутилмоқда. Унинг «Ривер Плейт»даги аниқ лавозими ҳозирча очиқланмаган бўлса-да, клуб собиқ футболчини бутун бошқарув жамоаси иштирокидаги тақдимот маросими орқали расман таништирди.
Таъкидланишича, Трезеге стратегик йўналишлар бўйича ишлайди ҳамда «Ривер Плейт»ни институционал даражада вакиллик қилади. Эслатиб ўтамиз, француз футболчи 2015 йилда фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
