“Барселона” бош мураббийи Ханс-Дитер Флик Чехиядаги ўйиндан кейинги матбуот анжуманида жамоа стандарт вазиятлар устида қанчалик ишлагани ҳақидаги саволга жавоб берди. Ҳафта ўртасида каталонияликлар “Славия”ни 4:2 ҳисобида мағлуб этди, рақибнинг икки голи ҳам бурчак зарбаларидан сўнг киритилди. Бу ҳақда euro-football.ru хабар беради.
Фликнинг таъкидлашича, Прагда учрашув ўзига хос кечган: совуқ об-ҳаво сабаб жамоага мослашиш учун вақт керак бўлган. Унинг айтишича, иккинчи гол эпизоди шундай вазиятларда рўй бериши мумкин — Левандовскида тўпга муносабат билдиришга вақт бўлмаган.
Мутахассис ҳимоядаги ишончини ҳам яширмади: аввалроқ “Барселона” тартибли ҳимоя билан ажралиб турганини эслатди. Шунингдек, клуб тарихан бўйи баланд футболчилар кўп бўлмагани стандартларда муаммо туғдириши мумкинлигини қайд этиб, бундай вазиятларда тўғри бошқарув ҳал қилувчи аҳамиятга эгалигини қўшимча қилди.
Якшанба куни “Барселона” ўз майдонида “Реал Овьедо”га қарши баҳс ўтказади.
“Zamin”ни Telegram'да ўқинг!
