Жанубий Кореянинг "Hyundai" компанияси Пекин автосалонида фақат Хитой бозори учун мўлжалланган янги "Иониқ В" электр седанини тақдим этди. Ушбу модель бренднинг бошқа бозорлардаги автомобилларидан тубдан фарқ қилади ва компаниянинг "Оригин" деб номланган янги дизайн йўналишини намойиш этади. Бу ҳақда Ixbt.com хабар беради.
Электромобилнинг ташқи кўриниши ўзига хос ўткир қиррали ва бурчакли дизайни билан ажралиб туради, бу эса кўпчиликда "Tesla Cйбертруcк" услубини ёдга солади. Автомобилнинг узунлиги 4 900 мм, ғилдираклар базаси эса 2 900 мм ни ташкил этади, бу кўрсаткичлар бўйича у "Иониқ 6" моделига яқин туради.
Салонда 27 дюймли 4К аниқликдаги панорамали экран, проексион дисплей ва "Долбй Атмос" тизимига эга аудио қурилмалар ўрнатилган. Техник жиҳатдан янгилик 800 вольтли платформада қурилган бўлиб, у қувватни тезроқ тўлдириш имконини беради.
Бир марта тўлиқ қувватланиш орқали автомобиль 600 километрдан ортиқ масофани босиб ўтиши маълум қилинган.
"Hyundai" раҳбарияти Хитой бозорини нафақат синов майдони, балки глобал кенгайиш асоси деб ҳисобламоқда. Компания яқин беш йил ичида ушбу мамлакатда 20 та янги моделни, жумладан, тўлиқ электр ва гибрид автомобилларни сотувга чиқаришни режалаштирган.
[media=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FCbhFx4mCpRc%3Fstart%3D2%26feature%3Doembed%26start%3D2&display_name=YouTube&url=https%3A%2F%2Fwww.youtube.com%2Fwatch%3Fv%3DCbhFx4mCpRc&image=https%3A%2F%2Fi.ytimg.com%2Fvi%2FCbhFx4mCpRc%2Fhqdefault.jpg&type=text%2Fhtml&schema=youtube] “Zamin”ни Telegram'да ўқинг!
