Туриннинг «Ювентус»и ва Франция терма жамоасининг собиқ ҳужумчиси Давид Трезеге яна Аргентинага йўл олди. У аввалроқ «Ривер Плейт» сафида ҳам тўп суриб, клуб билан Аргентина футболида иккинчи дивизионда чемпионликни қўлга киритган эди. Бу ҳақда euro-football.ru хабар беради.
Бу сафар Трезеге майдонга эмас, балки бошқарув тизимига қайтмоқда: у «Ривер Плейт» раҳбарияти таркибига қўшилади. Клуб собиқ футболчини бутун раҳбарият иштирокида тақдимот маросими орқали таништирди.
Трезегенинг клубдаги аниқ лавозими очиқланмаган, бироқ у стратегик масалалар билан шуғулланиши ва «Ривер Плейт»ни институционал даражада вакиллик қилиши маълум қилинди.
Эслатиб ўтамиз, франсуз футболчи профессионал фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
