Эрон Олий раҳнамоси Мужтабо Хоманаий мамлакат Ҳормуз бўғози ва Форс кўрфази ҳудудида ўз таъсирини сақлаб қолиш ва мустаҳкамлаш ниятида эканини билдирди.
У ушбу баёнотни 30 апрель куни Форс кўрфази куни муносабати билан йўллаган мурожаатида маълум қилган. Хоманаийга кўра, Теҳрон минтақада денгиз хавфсизлигини мустақил равишда таъминлаш имкониятига эга ва бу борада ташқи кучлар иштирокига эҳтиёж сезмайди.
“Эрон ўзининг амалий имкониятларига таяниб, Ҳормуз бўғози устидан назоратни таъминлай олади. Бу орқали Форс кўрфази минтақасида барқарорликни мустаҳкамлаш ва душманларнинг салбий ҳаракатларига чек қўйиш мумкин”, — дея таъкидлаган у.
Шунингдек, у АҚШ иштирокисиз ҳам минтақа хавфсизлигини таъминлаш мумкинлигини қайд этиб, бундай шароитда Форс кўрфазини “янада барқарор ва истиқболли келажак” кутаётганини билдирган.
“Zamin”ни Telegram'да ўқинг!
