Германия иккинчи бундеслигасида кутилмаган футболчи тўпурарлар рўйхатини бошқармоқда. "Магдебург" клуби аъзоси Матеуш Жуковски жорий мавсумда 18 та ўйинда майдонга тушиб, 17 та гол уришга эришди. Бу ҳақда Goal.com хабар беради.
Ушбу натижа бўйича у фақат "Бавария" ҳужумчиси Харри Кейндан ортда қолмоқда. Кейн ҳар 65 дақиқада гол урса, Жуковски ҳар 93 дақиқада рақиб дарвозасини ишғол қилмоқда.
Аслида "Магдебург" 24 ёшли польшалик футболчини ўтган йили ўнг қанот ҳимоячиси сифатида 250 минг евро эвазига сотиб олган эди. Жароҳати сабабли у дастлабки саккизта учрашувни ўтказиб юборди.
Жамоанинг янги бош мураббийи Петрик Сандер машғулотлар вақтида унинг кучли зарбаларини кўриб, ҳужумда синаб кўришга қарор қилди. Бу ўзгариш кутилмаган ижобий натижани тақдим этди.
Жуковскининг болалиги оғир ўтган бўлиб, у оиласига молиявий ёрдам бериш мақсадида футболни танлаган. Эндиликда унинг ажойиб ўйинлари йирик клублар эътиборини тортмоқда ва у мавсум охирида жамоани тарк этиши мумкин.
“Zamin”ни Telegram'да ўқинг!
