Генич 7-турдан сўнг икки клубни алоҳида эътироф этди

Машҳур шарҳловчи Константин Генич УЕФА Чемпионлар лигасининг умумий босқичидаги 7-тур якунлари бўйича икки жамоа ўйинини ажратиб кўрсатди. Унинг фикрича, Норвегиянинг «Будё-Глимт» клуби турнирдаги энг катта кутилмаган натижалардан бирини қайд этди. Бу ҳақда euro-football.ru хабар беради.

Сўнгги учрашувда скандинавлар сенсацион тарзда «Манчестер Сити»ни 3:1 ҳисобида мағлуб этиб, тур қаҳрамонига айланди. Генич бу натижани 7-турнинг асосий сенсацияси сифатида баҳолади.

Шарҳловчи «Арсенал»нинг чиқишини ҳам алоҳида таъкидлади. «Будё-Глимт — 7-турдаги энг катта сенсация. Менимча, яна бир сенсация — «Арсенал»нинг ўйини. «Арсенал» бунчалик очиқ ўйнай олишини кутмагандим. Улар «Интер»га қарши жуда зўр ўйнади», — дея Геничнинг сўзларини «Komment.Shou» YouTube канали келтирди.

Етти турдан сўнг «Арсенал» 21 очко жамғариб, Чемпионлар лигасининг умумий жадвалида пешқадам бўлиб турибди. «Будё-Глимт» эса 6 очко билан 28-ўринда жойлашган.

Bahodir

«ZAMIN.UZ» муҳаррири