«Антальяспор» ҳимоячиси Георгий Жикиянинг агенти Владимир Кузмичёв футболчининг келажаги борасида фикр билдирди. Бу ҳақда euro-football.ru хабар беради.
Агентнинг айтишича, Жикиянинг аҳволи яхши ва клуб мураббийлар штаби унга ишонмоқда. Сўнгги учрашувларда у майдонга тушмагани микрожароҳат билан боғлиқ бўлган, ҳозир эса тўлиқ тикланган ва яқин ўйинда майдонга қайтиши кутилмоқда.
Аввалроқ оммавий ахборот воситаларида турк клуби «Спартак»нинг собиқ сардори билан хайрлашишни истаётгани ҳақида хабарлар тарқалган эди.
Жикия жорий мавсум Туркия чемпионатида 12 та учрашувда иштирок этди ва 2 марта рақиб дарвозасини ишғол қилди. Футболчининг «Антальяспор» билан шартномаси 2027 йил ўрталаригиача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
