"Air Франcе" авиакомпанияси ўз самолётларини сунъий йўлдош навигацияси халақитларидан ҳимоя қилиш учун бир неча миллион евро сарфламоқчи. Ташувчи яқин уч йил ичида флотининг бир қисмини GPS сигналларини ўчириш ва алмаштиришга чидамлиликни оширадиган ускуналар билан жиҳозлашни режалаштирмоқда. Бу ҳақда Ixbt.com хабар беради.
Модернизация биринчи навбатда "Аирбус A350" ва "Боеинг 777" самолётларига таъсир қилади. Дастлабки 14 та A350 лайнери 2026 йил охиридан 2027 йил бошигача "Cоллинс Аероспаcе" компаниясининг MMR қабул қилувчилари билан жиҳозланади.
Шундан сўнг компаниядаги барча 60 та "Боеинг 777" самолётига худди шундай ускуналар ўрнатилади.
Бу жараён 2027 йилда якунланиши кутилмоқда. "Air Франcе"нинг янги самолётлари эса тўғридан-тўғри ушбу тизим билан етказиб берилади.
Қарор айниқса Европа ва Осиё йўналишларида GPS ишлашининг бузилиши ҳолатлари кўпайгани билан боғлиқ.
Авиакомпания янги тизим учувчиларга тушадиган юкламани камайтиришига ишонч билдирмоқда. Шунингдек, навигация аниқлиги ошиб, сигнал беқарор бўлиши ёки атайлаб бостирилиши мумкин бўлган ҳудудларда хавфлар камаяди.
Келажакда ушбу ускунани янада модернизация қилиш имконияти мавжуд.
“Zamin”ни Telegram'да ўқинг!
