Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида ҳам тўп суриб, ҳатто Аргентина футболининг иккинчи лигасида чемпионликни қўлга киритган эди. Бу ҳақда euro-football.ru хабар беради.
Энди Трезеге Буэнос-Айресдаги клубга бу сафар футболчи сифатида эмас, бошқарув тизимининг бир қисми сифатида келмоқда. «Ривер Плейт» уни расмий тарзда таништириш маросимини ўтказди, унда клуб раҳбарияти тўлиқ таркибда қатнашди.
Француз мутахассисининг жамоада қайси лавозимни эгаллаши аниқ айтилмади. Бироқ тақдимотда у стратегик масалалар билан шуғулланиши ва «Ривер Плейт»ни институционал даражада вакиллик қилиши маълум қилинди.
Эслатиб ўтамиз, Трезеге футболчилик фаолиятини 2015 йилда якунлаган.
“Zamin”ни Telegram'да ўқинг!
