"Магдебург" футболчиси Жуковски 18 ўйинда 17 та гол уришга эришди
"Магдебург" футболчиси Матеуш Жуковски 18 ўйинда 17 та гол уришга эришди, бу унинг Бундеслигадаги муваффақиятини кўрсатади. У ҳар 93 дақиқада рақиб дарвозасини ишғол қилмоқда, бу борада фақат Ҳарри Кейн ундан олдинда. Жуковски ўтган йили жамоага ўнг қанот ҳимоячиси сифатида қўшилган бўлиб, янги бош мураббийи уни ҳужумга ўтказишга қарор қилди. Унинг ажойиб ўйинлари бошқа клублар скаутлари эътиборини тортмоқда.
Германия футболи мухлислари "Бавария" ҳужумчиси Ҳарри Кейн Бундеслигада тўпурар эканлигини яхши билишади. Бироқ иккинчи Бундеслигада кутилмаган футболчи сермаҳсуллик кўрсатмоқда. Бу ҳақда Goal.com хабар беради.
"Магдебург" клуби шарафини ҳимоя қилаётган 24 ёшли польшалик Матеуш Жуковски 18 та ўйинда 17 та гол урди. У ҳар 93 дақиқада рақиб дарвозасини ишғол қилмоқда.
Бу борада фақат Ҳарри Кейн ундан олдинда.
Жуковски ўтган йили ёзда ўнг қанот ҳимоячиси сифатида жамоага келиб қўшилган эди. У дастлабки саккизта учрашувни жароҳати сабабли ўтказиб юборди.
Жамоанинг янги бош мураббийи Петрик Сандер уни битта машғулотдан сўнг ҳужумга ўтказишга қарор қилди. Жамоадоши Барис Атикнинг таъкидлашича, Жуковски зарбалар машғулотида ўзининг кучли зарбалари билан барчани ҳайратда қолдирган.
Ҳужумчининг болалиги оғир ўтган бўлиб, у оиласидаги қийинчиликларни енгиб ўтиш учун футболни танлаганини айтади. Ҳозирда унинг ажойиб ўйинлари бошқа клублар скаутлари эътиборини тортмоқда.
Изоҳлар 0
…