"Бавария" клубининг 2026-2027 йилги мавсум учун мўлжалланган янги либослари дизайни ҳақида дастлабки маълумотлар тарқалди. "Adidas" компанияси билан 50 йилдан ортиқ ҳамкорлик қилиб келаётган клуб бу сафар классик ва ретро услубга таянишга қарор қилди. Бу ҳақда Goal.com хабар беради.
Асосий уй либоси анъанавий қизил рангда бўлиб, унда олтин рангли элементлар ва тўқ қизил чизиқлар акс этади. Олтин рангли деталлар охирги марта клубнинг 2012-2013 йилги тарихий ғалабали мавсумида ишлатилган эди.
Шунингдек, футболкалар орқасидаги ёзув ўзгариб, тўлиқ ном ўрнига қисқа "FC Баерн" варианти қўлланилади.
Меҳмон либоси оқ рангда бўлиб, унда тўқ кўк ва қизил рангли безаклар бўлиши кутилмоқда. Ушбу тўпламда клубнинг 1966 йилда фойдаланилган тарихий логотипи деярли 25 йиллик танаффусдан сўнг яна қайтади.
Учинчи либос эса тўқ кулранг ёки кўк базада қизил рангли чизгилар билан дизайн қилинади.
Янги либосларнинг расмий тақдимоти 2026 йил 16 май куни Бундеслиганинг сўнгги турида "Кёльн"га қарши ўйинда ўтказилиши режалаштирилган. Либослар нархи нусха (реплиcа) версия учун 100 евро, профессионал ўйинчилар варианти учун эса 150 еврогача бўлиши тахмин қилинмоқда.
“Zamin”ни Telegram'да ўқинг!
