«Жирона» бош мураббийи Мичел дарвозабон Марк-Андре тер Штегеннинг жамоа сафидаги илк ўйинидан кейин унинг чиқишини изоҳлади. Бу ҳақда euro-football.ru хабар беради.
Германиялик посбон «Хетафе»га қарши учрашувда дебют қилди ва жамоасига очко олиб келишда ёрдам берди. У бир гол ўтказиб юборди, баҳс эса 1:1 ҳисобида якунланди.
«У фантастик ўйин ўтказди. Ҳужумни бошлашда катта ҳисса қўшади, якунда эса ажойиб сейв ҳам қилди», — дея Мичелнинг сўзларини келтиради Mundo Deportivo.
Мураббий дарвозабон танлаш масаласи осон бўлмаганини ҳам тан олди. У дарвозабонлар билан гаплашган, бироқ суҳбат тафсилотларини очиқламади.
«Жирона» тер Штегенни «Барселона»дан ижарага олди. Аввалроқ дарвозабонни рўйхатдан ўтказишда муаммо юзага келгани, сабаби жамоада барча дарвозабон рақамлари банд экани ҳақида хабарлар тарқалганди.
“Zamin”ни Telegram'да ўқинг!
