Француз ҳужумчиси Оливье Жиру учун сўнгги учрашув омадсиз якунланди: унинг «Лилл» жамоаси «Страсбург»га 1:4 ҳисобида ютқазди. Бу ҳақда euro-football.ru хабар беради.
Ўйиндан кейин мезбонлар трибуналаридан ҳуштаклар янгради — «доглар» мухлислари жамоанинг муваффақиятсиз натижасидан норози эканини шундай билдирди. Жиру эса вазиятга бефарқ қолмай, сўзга чиқди.
«Ҳамма бирлашиши керак — клуб раҳбарияти, футболчилар ва мухлислар. Фақат бирдам бўлсак, бу оғир даврни енгиб ўтамиз», — дея Жирунинг сўзларини derbyderbyderby.it келтирди.
Эслатиб ўтамиз, Жиру аввалроқ Лондоннинг «Арсенал»и ва Италиянинг «Милан» клубида ҳам тўп сурган. Ҳозир «Лилл» Франция чемпионати турнир жадвалида бешинчи ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
