"AvtoVAZ" корхонаси май ойидаги таътилдан фойдаланиб, янги "Лада Азимут" моделини ишлаб чиқаришга тайёргарлик кўрмоқда. Модернизация ишлари бошланган бўлиб, яқин ҳафталарда якунланиши режалаштирилган. Бу ҳақда Ixbt.com хабар беради.
Завод ходимлари 1-13 май кунлари таътилда бўлади. 14-15 май кунлари эса модернизацияга жалб этилмаган ходимлар маоши сақланган ҳолда вақтинчалик ишламайди.
Шундан сўнг корхона босқичма-босқич иш фаолиятига қайтади.
Толяттидаги ишлаб чиқаришни янгилаш учун 500 миллион рублдан ортиқ маблағ йўналтирилади. Асосий эътибор "Лада Азимут" учун янги ускуналарни ўрнатиш ва "Лада Нива" йиғиш линиясини модернизация қилишга қаратилган.
Двигатель ишлаб чиқариш ҳам янгиланмоқда. 1,6 ва 1,8 литрли двигателларни тайёрлаш учун янги марказлар ишга туширилади.
Барча ишларни 2026 йил 18 майгача якунлаш режалаштирилган.
"Лада Азимут" кроссоверининг серияли ишлаб чиқарилиши сентябрь ойида бошланиши кутилмоқда. Сотувлар эса 2026 йилнинг тўртинчи чорагида старт олади.
Автомобиль нархи 2,2 миллиондан 2,5 миллион рублгача бўлиши тахмин қилинмоқда.
“Zamin”ни Telegram'да ўқинг!
