Матео Ковачични А Сериянинг гранд клуби «Милан» истамоқда

«Манчестер Сити» яримҳимоячиси Матео Ковачич фаолиятини Италия чемпионатида давом эттириши мумкин. Бу ҳақда euro-football.ru хабар беради.

Манбаларга кўра, 31 ёшли футболчига «Милан» жиддий қизиқиш билдирмоқда. Журналист Пйетро Балцано хабар қилишича, «россонерилар» вакиллари аллақачон хорватиялик футболчи билан боғланиб, бўлажак ёзги трансфер ойнасидаги эҳтимолий келишувни муҳокама қилган.

Transfermarkt порталида Ковачичнинг тахминий нархи 15 миллион еврога баҳоланмоқда. Унинг «шаҳарликлар» билан амалдаги шартномаси 2027 йилнинг ўрталаригача мўлжалланган. Яримҳимоячи А Серияни яхши билади: у 2013 йил бошидан 2015 йил ёзигача «Интер» сафида тўп сурган, кейин эса Мадриднинг «Реал» клубига кўчиб ўтган.

Sardor Ergashev

«ZAMIN.UZ» муҳаррири