Европа Чемпионлар лигаси яримфинал босқичининг дастлабки баҳслари якунлангач, ҳафтанинг энг яхши футболчиларидан иборат рамзий жамоа эълон қилинди. Унда энг кўп вакил ПСЖ клубига тўғри келди — парижликлардан тўрт нафар футболчи жой олди.
Дарвоза қўриқчиси сифатида Давид Райя танланди. "Арсенал" посбони ҳал қилувчи сейвлари билан жамоасига ишонч бағишлади.
Ҳимоя чизиғида эса Дайо Упамекано (Бавария), Пубил (Атлетико) ва Габриэл (Арсенал) ўзининг барқарор ўйини билан ажралиб турди.
Яримҳимоя маркази эса ҳақиқий “энергия двигатели”га айланди. Майкл Олисе (Бавария), Витиня, Жоао Невеш ва Хвича Кварацхелия (учаласи ПСЖ) майдонда темпни белгилаб берди.
Ҳужум чизиғида эса Антуан Гризманн (Атлетико), Усмон Дембеле (ПСЖ) ва Луис Диас (Бавария) жой олди.
Қисқача айтганда, бу рамзий жамоа яримфиналлардаги асосий қаҳрамонларни жамлади. Айниқса, “ПСЖ” футболчилари ўйинга таъсири билан алоҳида ажралиб турди. Энди эса барча эътибор жавоб баҳсларига қаратилган — ҳақиқий финалчилар айнан ўша ўйинларда аниқланади.
