2030 йилги футбол бўйича Жаҳон чемпионати финалини Испания қабул қилиши мумкин. BBC хабарига кўра, мамлакат футбол федерацияси президенти Рафаэл Лусан ҳал қилувчи учрашув айнан Испанияда ўтишини маълум қилган. Бу ҳақда euro-football.ru хабар беради.
Мусобақани Испания, Португалия ва Марокко биргаликда ўтказади. Турнирнинг дастлабки учта ўйини эса мусобақа 100 йиллигига бағишлаб Уругвай, Аргентина ва Парагвайда ташкил этилади.
Лусан Испания кўп йиллардан бери йирик тадбирларни юқори даражада ўтказиб келаётганини таъкидлаб, 2030 йилги мундиалнинг асосий мезбони ҳам шу мамлакат бўлишини айтди. Бироқ у финал ўтадиган стадион номини очиқламади.
Аввалроқ Марокко томони финални Касабланкадаги “Гранд Стад Ҳассан II” аренасида ўтказишни истаётганини билдирганди. 2028 йилга бориб якунланиши кутилaётган стадион 115 минг томошабинга мўлжалланиши режалаштирилган. FIFA эса ҳозирча финал манзили бўйича расмий изоҳ бермади.
“Zamin”ни Telegram'да ўқинг!
