«Ал-Иттиҳод» ярим ҳимоячиси Н’Голо Канте яқин орада Саудия Арабистонидаги бошқа клубга кўчиб ўтиши эҳтимоли бор. Бу ҳақда euro-football.ru хабар беради.
«Ал-Наср»нинг собиқ юридик бўлими директори Саад Ал Субайя берган маълумотга кўра, Ар-Риёд клуби француз таянч ярим ҳимоячисини таркибига қўшиб олишга қизиқмоқда. Битим январ ойи якунига қадар амалга ошиши мумкин.
Канте 2023 йилда «Челси»дан эркин агент сифатида «Ал-Иттиҳод»га келиб қўшилганди. Унинг амалдаги шартномаси 2026 йил 30 июнгача мўлжалланган. Жорий мавсумда француз футболчиси саудия клуби сафида барча мусобақаларда 25 ўйинда майдонга тушиб, 2 гол урди ва 1 ассист қайд этди. Transfermarkt портали Канте қийматини 4,5 миллион еврога баҳоламоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
