Марокаш 29 апрель куни Артемис келишувини имзолади. Бу сўнгги ўн кун ичида Ойни ўзлаштириш бўйича халқаро ташаббусга қўшилган учинчи давлат бўлди. Бу ҳақда Ixbt.com хабар беради.
Ҳужжатни мамлакат ташқи ишлар вазири Носир Бурита Работдаги маросимда имзолади.
АҚШ давлат котиби ўринбосари Кристофер Ландаунинг сўзларига кўра, келишувларнинг кенгайиши космосни масъулият билан ўзлаштиришга бўлган халқаро қизиқишни акс эттиради. Ҳозирги вақтда Артемис келишувига 64 та давлат қўшилган.
Марокаш қисқа муддат ичида келишувни имзолаган учинчи давлатга айланди. Бунгача 20 апрель куни Латвия ва 23 апрель куни Иордания унга қўшилган эди.
Йил бошидан бери жами бешта давлат ушбу ҳужжатни имзолади.
Иштирокчилар сонининг ўсиши апрель ойи бошида бўлиб ўтган Артемис 2 миссияси билан боғлиқ бўлиши мумкин. NASA собиқ вакили Майк Голднинг таъкидлашича, дастур ривожлангани сари унга бўлган қизиқиш янада кучаяди.
Артемис келишувлари мавжуд халқаро шартномаларга таянган ҳолда космосни хавфсиз ўзлаштириш тамойилларини белгилайди. NASA уларни халқаро иштирокни, жумладан, келажакдаги Ой базасини мувофиқлаштириш асоси сифатида кўради.
“Zamin”ни Telegram'да ўқинг!
