Моҳамед Салаҳга Пеп Гвардиола ва Эрлинг Холанднинг у ҳақидаги фикрлари акс этган видео кўрсатилди. "Ман Сити" вакиллари мисрлик ҳужумчи уларга доимий муаммолар туғдирганини тан олди. Бу ҳақда Goal.com хабар беради.
Гвардиола "Ливерпуль" билан кўп йиллик рақобатдан сўнг Салаҳнинг таъсирини юқори баҳолади. Мураббийнинг сўзларига кўра, ҳужумчининг тезлиги ва майдондаги ҳаракатлари уларнинг ҳимояси учун ҳақиқий бош оғриғи бўлган.
Холанд ҳам Салаҳнинг барқарор ўйинини эътироф этиб, унга қарши ўйнаш қийин бўлганини таъкидлади. Норвегиялик ҳужумчи Салаҳнинг кўплаб муҳим голлар урганини ва унинг либосини уйида сақлашини айтди.
Ушбу мақтовлар акс этган видеони томоша қилган Салаҳ табассум ва кулги билан муносабат билдирди. Ҳужумчи 2017 йилда "Ливерпуль" сафига қўшилганидан бери клуб тарихидаги энг яхши ўйинчилардан бирига айланди.
Салаҳ "Ливерпуль" сафида 440 та ўйинда майдонга тушиб, 257 та гол урган. У жамоа билан тўққизта соврин, жумладан Чемпионлар лигаси ва иккита Премьер-лига чемпионлигини қўлга киритган.
“Zamin”ни Telegram'да ўқинг!
