"Ювентус" ёзги трансферлар ойнасида "Марсел" ҳужумчиси Мейсон Гринвудни ўз сафига қўшиб олишни режалаштирмоқда. Турин клуби ушбу трансфер орқали жамоанинг ҳужум чизиғини кучайтирмоқчи. Бу ҳақда Goal.com хабар беради.
Гринвуд Франциядаги фаолияти давомида ажойиб натижалар қайд этди. У сўнгги икки мавсумда 64 та ўйинда майдонга тушиб, 36 та гол уришга эришди.
Жорий мавсумда эса 29 та учрашувда 15 бор рақиблар дарвозасини ишғол қилди.
"Марсел" айни пайтда чемпионатда олтинчи ўринни эгаллаб турибди. Жамоа Чемпионлар лигасига йўлланма ололмаса, молиявий ҳолатини яхшилаш учун етакчи футболчисини сотишга мажбур бўлиши мумкин.
Туринликлар Гринвуд трансферини молиялаштириш учун Франсишку Консейсауни сотиши кутилмоқда. Португалиялик вингерга Англиянинг "Ливерпуль" ва "Манчестер Юнайтед" клублари қизиқиш билдирмоқда.
"Ювентус" Консейсау учун жами 39 миллион евро сарфлаган эди. Эндиликда клуб уни 50 миллион еврога сотишни ва тушган маблағни тўлиғича Гринвуд трансферига йўналтиришни мақсад қилган.
“Zamin”ни Telegram'да ўқинг!
