Мюнхеннинг «Бавария» клуби спорт директори Кристоф Фройнд ҳимоячи Дайо Упамекано билан янги шартнома юзасидан олиб борилаётган музокаралар ҳақида фикр билдирди. Бу ҳақда euro-football.ru хабар беради.
Фройнднинг айтишича, клуб музокаралар жараёнини одатда оммага ошкор қилмайди ва ҳозир ҳам батафсил маълумот бермоқчи эмас. «Биз фақат яхши музокаралар кетаётганини таъкидлаб келганмиз. Янгилик йўқ. Ҳеч қандай деталлар ҳақида гапирмайман. Қарор яқин вақт ичида қабул қилинади», — деди у журналистларга.
Упамекано 2021 йилдан бери «Бавария» сафида тўп суради. Жорий мавсумда 27 ёшли франсуз барча мусобақаларда 25 та ўйинда майдонга тушиб, 1 та гол урди ва 1 та голли узатмани амалга оширди.
Ҳимоячининг «Бавария» билан амалдаги шартномаси келаётган ёзда якунланади.
“Zamin”ни Telegram'да ўқинг!
