Комо жамоасидаги муваффақиятли фаолиятидан сўнг, Сескк Фабрегаснинг Челси бошқарувига қайтиши ҳақидаги миш-мишлар кўпайди. Бироқ, мутахассислар фикрича, испаниялик мураббий Стамфорд Бридгега йўл олишдан аввал Англия Премер-лигасида ўзини синаб кўриши керак. Бу борада Кристал Пелас жамоаси айни муддао бўлиши мумкин. Бу ҳақда Goal.com хабар беради.
Кристал Пелас ёзги трансфер ойнасида янги бош мураббий излашни режалаштирмоқда. Жамоанинг ҳозирги ҳолати ва амбициялари Фабрегас каби ёш ва иқтидорли мутахассис учун катта тажриба мактаби вазифасини ўтаб бериши мумкин. Айни дамда Челси ҳам доимий мураббий қидирмоқда, бироқ Фабрегаснинг тажрибаси ҳали юқори даражадаги клубни бошқариш учун етарли эмаслиги айтилмоқда.
Собиқ футболчи Клинтон Моррисон ГОАЛ нашрига берган интервюсида Фабрегаснинг Кристал Пелас учун идеал номзод эканлигини таъкидлади. Унинг сўзларига кўра, Комо жамоасидаги ёшлар билан ишлаш қобилияти ва тактик билимлари Фабрегасни Премер-лигадаги клублар учун қизиқарли вариантга айлантирмоқда.
Фабрегас Челси сафида ўйнаган даврида икки марта Англия Премер-лигаси чемпионлигини қўлга киритган. Унинг майдондаги интеллекти ва ўйинни тушуниши мураббийлик фаолиятида ҳам яққол кўзга ташланмоқда. Агар Кристал Пелас унга имконият берса, бу испаниялик мутахассиснинг катта мураббийлик карьерасига қўйилган муҳим қадам бўлиши шубҳасиз.
“Zamin”ни Telegram'да ўқинг!
