Англия Премер-лигасига йўлланма олган Ковентрй жамоаси янги мавсум учун трансфер режаларини тузишни бошлади. Жамоа бош мураббийи Франк Лампард ўз обрўси ва алоқалари орқали таркибга таниқли футболчиларни жалб этишни мақсад қилган. Бу ҳақда Goal.com хабар беради.
Сўнгги вақтларда Манчестер Сити юлдузи Фил Фоденнинг Ковентрй жамоасига ижарага ўтиши ҳақида миш-мишлар тарқалди. Бироқ, клубнинг собиқ ҳужумчиси Клинтон Моррисон бу трансфер амалга ошмаслигини таъкидлаб, Фоден Манчестер Сити билан янги шартнома имзолаш арафасида эканини қайд этди.
Моррисоннинг фикрича, Франк Лампард Премер-лигада муваффақият қозониш учун тажрибали футболчиларга таяниши керак. У Росс Барклей каби Премер-лига тажрибасига эга ўйинчиларни жамоага жалб этиш вариантини истисно қилмади.
Ковентрй раҳбарияти мураббийнинг трансфер бозоридаги амбицияларини қўллаб-қувватлашга тайёр. Жамоага Премер-лигада рақобатбардош бўлиш учун камида беш-олти нафар тажрибали ҳимоячи ва ярим ҳимоячи зарурлиги айтилмоқда.
“Zamin”ни Telegram'да ўқинг!
