Беларуслик собиқ футболчи Александр Глеб, аввал «Арсенал» сафида тўп сурганини эслатиб, «канонирлар»нинг жорий Чемпионлар лигасида ғолиб чиқиш эҳтимоли ҳақида фикр билдирди. Бу ҳақда euro-football.ru хабар беради.
Глебнинг айтишича, «Арсенал» турнирнинг умумий босқичини жуда юқори савияда ўтказди. Бироқ у ҳозирча мусобақада битта яққол фаворитни ажратиб кўрсатиш қийинлигини таъкидлади.
«Ҳаммаси 1/8 финал иштирокчилари маълум бўлгач, янада равшанлашади. Лекин, албатта, собиқ клубим Чемпионлар лигасини ютса ёки ҳеч бўлмаса финалгача етиб борса, жуда хурсанд бўламан», — деди Глеб.
Шунингдек, у Чемпионлар лигаси финалида ҳимояга беркиниб қолмайдиган, ҳужумкор футбол кўрсатадиган икки жамоани кўришни исташини қўшимча қилди.
Маълумот учун, «Арсенал» Чемпионлар лигасининг умумий босқичини биринчи ўринда якунлаган. Лондон клуби саккиз учрашувнинг барчасида ғалаба қозониб, турнирнинг янги форматида буни уддалаган илк жамоага айланди.
“Zamin”ни Telegram'да ўқинг!
