«Бавария» жамоаси Бундеслиганинг 35-чемпионлигини қўлга киритганидан сўнг, франциялик ярим ҳимоячи Майкл Олисeнинг хатти-ҳаракатлари мухлислар орасида турли муҳокамаларга сабаб бўлди. Мюнхенликлар «Штутгарт» устидан 4:2 ҳисобида ғалаба қозониб, титулни расмийлаштирган тунда футболчи ўзини ғалати тутган. Бу ҳақда Goal.com xabar беради.
Олисe «Альянс Арена» майдонида махсус чемпионлик футболкасини кийишдан бош тортган ягона футболчи бўлди. У байрам тадбирлари давомида ўйин либосида қолишни афзал кўрди ва жамоавий суратларда деярли кўриниш бермади.
Шунингдек, у «Жанубий трибуна» олдидаги умумий суратга тушиш жараёнида ҳам иштирок этмади.
Клуб раҳбарияти 24 ёшли футболчининг нима сабабдан анъанавий маросимларни ўтказиб юборганига ҳозирча изоҳ бермади. Таъкидлаш жоизки, Олисe ўтган мавсумдаги чемпионлик байрамида ҳам жамоадошлари билан қувониш ўрнига, телефонда шахмат ўйнаб ўтиргани билан ёдда қолган эди.
Жамоа ҳимоячиси Жонатан Та футболчининг бу хатти-ҳаракатларини унинг оммага нисбатан совуққонлиги билан изоҳлади. Танининг сўзларига кўра, Олисe ҳаётда жуда киришимли ва жамоанинг ижтимоий тармоқлардаги гуруҳида асосий етакчи ҳисобланади.
“Zamin”ни Telegram'да ўқинг!
