"Арсенал" трансфер ойнасида 200 миллион фунтдан кўп маблағ сарфлади
"Арсенал" жамоаси жорий трансфер ойнасида 200 миллион фунтдан ортиқ маблағ сарфлаб, Деклан Райсни 105 миллион фунтга "Вест Хем"дан сотиб олиш орқали клуб рекордини янгилади. Шунингдек, Кай Хавертс ва Юрриен Тимбер ҳам жамоага қўшилди. Бош мураббий Микел Артета трансфер ишлари ҳали якунланмаганини таъкидлаб, келаси мавсумда "Ман Сити" билан чемпионлик учун курашишни мақсад қилганини билдирди. Жамоа таркибидаги ўзгаришлар ва янги келишувлар учун яқин ҳафталар муҳим аҳамиятга эга.
"Арсенал" жамоаси жорий трансфер ойнасида ўзининг фаоллиги билан барчани ҳайрон қолдирмоқда. Лондонликлар Деклан Райсни "Вест Хем"дан 105 млн фунт стерлинг эвазига сотиб олиб, клуб рекордини янгилади. Бу ҳақда Goal.com хабар беради.
Шунингдек, таркибга Кай Хавертс ва Юрриен Тимбер ҳам қўшиб олинди.
Клубнинг ёзги харажатлари 200 млн фунт стерлингдан ошиб кетган бўлса-да, бош мураббий Микел Артета трансфер ишлари ҳали якунланмаганига шама қилди. Мутахассис келаси мавсумда "Ман Сити" билан чемпионлик учун жиддий курашишни мақсад қилган.
«Кузатайлик-чи. Бозорда ҳали вақт кўп, баъзи футболчиларимизга нисбатан ҳам кутилмалар бор.
Келгуси ҳафталарда воқеалар ривожини кўрамиз. Биз доим ҳушёр турамиз, янги келишувлар ва кетишлар учун имконият бор», — деди Артета.
Ҳозирда жамоани Гранит Жака тарк этиб улгурди. Шунингдек, Флорин Балогун ва Томас Парти каби футболчиларга бошқа клублар қизиқиш билдирмоқда.
Николас Пепе ва Седрик Соареш ҳам Артетанинг режаларидан ўрин олмаган кўринади.
Яқин ҳафталар "Арсенал" учун ҳал қилувчи аҳамиятга эга бўлади. Мураббийнинг сўзларига кўра, клуб таркибни янада кучайтириш ва кераксиз ўйинчилардан воз кечиш борасида фаол ишлашда давом этади.
Изоҳлар 0
…