«Антальяспор» ҳимоячиси Георгий Жикия Туркия клубидаги ҳозирги вазияти юзасидан фикр билдирди. 32 ёшли футболчининг қисқа изоҳи «ФНЛ с Ильёвым» телеграм-канали эълон қилган видеода намойиш этилди. Бу ҳақда euro-football.ru хабар беради.
Жикиядан клубдаги ишлари қандай кетаётгани сўралганда, у «Ҳаммаси яхши, раҳмат» дея жавоб қайтарди. Туркиядаги шароитлар ҳам кўнгилдагидекми, деган саволга эса у жилмайиб, «Туркияда ҳаммаси жойида» деди.
Маълумот учун, Жикия ўтган ёзда «Антальяспор» сафига қўшилган. Шундан бери у жамоа либосида 13 та учрашувда майдонга тушиб, 2 та гол урди.
«Антальяспор» ҳозир Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13-февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
