Хитойда NVIDIA маҳсулотларига нисбатан чекловларнинг янги тўлқини бошланди: маҳаллий божхона органлари GeForce RTX 5090Д в2 моделини импорт қилиш учун рухсатнома беришни рад этди. Ушбу видеокарта айнан Хитой бозори учун махсус ишлаб чиқилган модификация ҳисобланар эди. Бу ҳақда Ixbt.com хабар беради.
RTX 5090Д в2 модели АҚШнинг янги экспорт чекловлари талабларига жавоб берадиган муросали ечим сифатида яратилган. Унда сунъий интеллект ҳисоблаш имкониятлари қисқартирилган ва хотира ўтказувчанлиги пасайтирилган эди. Стандарт версиядаги 32 GB ва 512 битли шинага нисбатан, ушбу модел 24 GB GDDR7 ва 384 битли шинага эга эди. Бироқ, ҳатто бундай "кучсизлантирилган" модел ҳам эндиликда тақиқ остида қолмоқда.
NVIDIA учун вазият шундаки, GeForce RTX 5090Д в2 учун муқобил савдо бозорлари мавжуд эмас. Шу билан бирга, оддий RTX 5090 моделининг ҳам бутун дунё бўйлаб етказиб берилиши чекланиб, нархлари кескин кўтарилмоқда. Масалан, Жанубий Кореяда Асус ТУФ RTX 5090 ОК ва Асус РОГ Astraл RTX 5090 Whите каби версиялар бир кунда 300–400 долларга қимматлашиб, 5300 доллар атрофида сотилмоқда.
Хитойнинг ўзида эса 12 GB хотирага эга маҳаллий ўйин видеокартаси пайдо бўлди. Аммо унинг нархи GeForce RTX 5060 Ти билан тенг бўлса-да, унумдорлик жиҳатидан ҳатто GeForce RTX 3060 даражасига ҳам етиб бормайди.
“Zamin”ни Telegram'да ўқинг!
