Мюнхеннинг «Бавария» клуби ҳужумчиси Гарри Кейн жамоани олдинда кутаётган масъулиятли паллалар ҳақида фикр билдирди. Мюнхенликлар мавсумнинг учта йўналишида бирйўла кураш олиб бормоқда. Бу ҳақда euro-football.ru хабар беради.
Кейн таъкидлашича, жамоа мавсумнинг ҳал қилувчи босқичига қадам қўймоқда: турнир жадвалида иккинчи ўриндан сезиларли фарқ бор, бироқ у жуда тез қисқариб кетиши ҳам мумкин.
Англиялик форвард мавсум бошида асосий мақсад февраль—март ойларига келиб таркибда жароҳатлар кўпаймаган ҳолда юқори ўринларда бўлиш бўлганини айтди. «Бавария» ҳозир ҳам Бундеслига пешқадами, Германия кубоги учун курашмоқда ва Чемпионлар лигасида чорак финалга чиқди. Кейннинг сўзларига кўра, энди мавсумнинг энг қизғин қисми бошланади ва жамоа меҳнатни янада кучайтириб, рақиблар қанчалик яқинлаша олишини кўради.
Ҳозирда «Бавария» ҳисобида 54 очко бор, Дортмунднинг «Боруссия»си эса 48 очко жамғарган. Кейн Бундеслига тўпурарлари пойгасида 24 гол билан етакчилик қилмоқда.
“Zamin”ни Telegram'да ўқинг!
