Антонин Паненка «паненка» услубида тепилган пеналти рақибни менсимаслик деган қарашга қўшилмаслигини айтди. Чех футбол афсонаси бу зарбани илк бор 1976 йилги Европа чемпионати финалида қўллаган. Бу ҳақда euro-football.ru хабар беради.
Паненка Cadena SER радиосининг El Larguero дастурида ўша вазиятда кимнидир масхара қилишни эмас, энг ишончли йўл билан гол уришни ўйлаганини таъкидлади. Унинг сўзларига кўра, финал каби ўйинларда футболчи рақиб устидан кулиш ҳақида эмас, жамоаси учун натижа қилиш ҳақида бош қотиради.
Шунингдек, у футболни чин дилдан севишини ва ҳеч қачон ҳеч кимни камситишни истамаганини қайд этди. Паненка назарида, «паненка» — ўша паллада гол уришнинг энг мақбул усули бўлган.
Эслатиб ўтамиз, аввалроқ Паненка ўз фикрини билдириб, нима сабабдан Браим Диас Африка Миллатлар кубоги финалида «паненка» услубида гол ура олмаганини ҳам изоҳлаган эди.
“Zamin”ни Telegram'да ўқинг!
