Афсонавий футболчи Антонин Паненка «паненка» услубида тепиш рақибни камситиш деган қарашга қўшилмаслигини айтди. У бу зарбани 1976 йилги Европа чемпионати финалида ҳам қўллаган. Бу ҳақда euro-football.ru хабар беради.
Паненка Cadena SER радиосининг El Larguero дастурида ўша пайтдаги фикрларини эслаб, бундай пеналти масхара учун эмас, гол уриш эҳтимоли энг юқори бўлган вариант сифатида танланганини таъкидлади. Унинг сўзларига кўра, финал каби катта ўйинда футболчи рақиб устидан кулиш ҳақида эмас, натижа ҳақида ўйлайди: у футболни яхши кўришини ва ҳеч кимни камситмоқчи бўлмаганини қўшимча қилди.
Шунингдек, Паненка аввалроқ ўз фикрича, Браим Диас нега Африка Миллатлар кубоги финалида «паненка» услубида гол ура олмаганини ҳам изоҳлаган эди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
