Рок Натион агентлиги футбол оламида ўз ўрнини мустаҳкамлашда давом этмоқда. Етти йил аввал Жай-З ва компания асосчилари футбол соҳасига кириб келишга қарор қилишган эди. Бугунги кунда агентлик нафақат футболчилар манфаатини ҳимоя қилади, балки клубларнинг бренд сифатида ривожланишига ҳам яқиндан кўмаклашмоқда. Бу ҳақда Goal.com хабар беради.
Компания фаолияти доираси жуда кенг: улар Челси каби гигант клублар билан ҳамкорлик қилиш билан бирга, Полшанинг КС Краковиа каби камтарона жамоалари билан ҳам ишламоқда. Майкл Ёрмаркнинг сўзларига кўра, замонавий футбол клублари шунчаки спорт жамоаси эмас, балки ҳаёт тарзи брендига айланиши керак.
PSJ клуби бу борада яққол намуна бўла олади. Парижликлар футболни маданият билан боғлаб, ўз брендини глобал миқёсда кенгайтиришга муваффақ бўлишди. Рок Натион айнан шу тажрибани бошқа клубларда ҳам қўллашни мақсад қилган.
АҚШда бўлиб ўтадиган навбатдаги Жаҳон чемпионати футбол бизнеси учун янги даврни бошлаб бериши кутилмоқда. Рок Натион ушбу ўзгаришлар арафасида клубларга анъанавий мухлислар доирасидан чиқиб, янги аудиторияни жалб қилишда ёрдам беришни режалаштирмоқда.
“Zamin”ни Telegram'да ўқинг!
